Ae mere watan ke logo zara samjho hamari pareshani 

ek bar ladki bankar dekho phir samjho hamari bebasi .

ghar se nikalte hi  maa ke mooh par ek hi baat -

sambhal kar jana , ane mein mat karna der raat .

har roz darindgi ki shikar hoti h meri behne ,

bus tum ek bar ladki bankar dekho phir samjho hamari pareshani .

Maasik mein jab uske safed kurte par khoon ka dhaba dikhta h 

tum badi badi batein banate ho .

aaj tumhe yeh khoon ka dhabba sata raha hai ,

kal ko balatkar karke use khoon se nahla dete ho .

 Har roz mohhambatti pakad kar chal padte ho 

aur insafi ki guhaar lagate ho .

aur yeh itefaq ki bat hai wahi pe na insafi dekhti hoo .

tum abhi ekta ki baat nahi samjhoge kyonki 

tumhe apni aur dost ki behen mein bhi fark dikhta hai .

bas tum ek bar ladki bankar dekho 

tumhare nasib mein insaniyat nahi hevaniyat dikhegi .

ladki dekhte hi nazar chali jati hai kapdo par ,

sach kehna tum janwar nahi banjate sadko par .

kher tumhari bhi kya galti aur kaisa gunah ,

jab  aese desh mein adhe balatkari hote hai behguna 

tum ek bar ladki bankar dekho 

phir samjho hamare sath hone wali na insafi .

lekin ek bat bolu , tum rehne do mat dalo apne apko ek ladki ki JAGAH 

tum nahi seh paoge itna dukh aur dard , jab pata chalega ki koi nahi karta tumhari

PARVAH .......