YEBO BAYIGUQULILE

Bayiguqulile inhliziyo yakho ngami,

basho izinto ezikwenza ube namahloni ngami,

wathatha wabeka,kwasho kwenzeka isinqumo

sokungikhipha enhlizweni yakho.

 

Bayiguqulile inhliziyo yakho ngami,

waqumba, wqalekisa, wase uyangikhipha

enhliz'weni yakho.YEBO kuningi bakushilo

ngami, wabona konke kuyiqiniso gami.

 

Bayiguqulile inhliziyo yokho ngami,

bangibhixile ngamabala, banginyinda ngobende 

inyama ngingayidlanga,wabhema wakholwa yikho

abakusho kuwe ngami.

 

Bayiguqulile inhliziyo yakho ngami,

YEBO ngivuma wonke amabala 

abangibeke wona, ngiyakhothama ngithi

bekunganjani uma ngingafika noma ingephupho

kuwe, ngilihlanze igama lami enhliz'weni yakho.

 

YEBO ngiyavuma I DO, njengomshadikazi ezithoba

enza isinqumo, phambi kukamfundisi. YEBO ngiyavuma

ukuyithatha inhliziyo yakho ibe eyami, size sihlukaniswe 

ukufa. bayiguqulile nhliziyo yakho ngami.

 

Bayiguqulile nhliziyo yakho ngami,

ekujuleni kwehliziyo yami, bengifisa ukukhipha

unyembezi noma elilodwa.

kodwa UNYEMBEZI lwami lufana nelenkosazane.

ngamafuphi " NGIYINKOSAZANE YOLWANDLE",

unyembezi lwami alukhishwa ubuhlungu benhliziyo

kepha lukhishwa INJABULO.

 

Fakaza MKHULU kwelamathongo,

Fakaza ekujuleni ko LWANDLE.

 

YEBO BAYIGUQULILE INHLIZIYO YAKHO NGAMI.

 

Author

Thembisa Pearl Madlala __SA

 

 

 

Guide that inspired this poem: 
Poetry Terms Demonstrated: 

Comments

Additional Resources

Get AI Feedback on your poem

Interested in feedback on your poem? Try our AI Feedback tool.
 

 

If You Need Support

If you ever need help or support, we trust CrisisTextline.org for people dealing with depression. Text HOME to 741741